Барселона го прескокна Реал Мадрид и повторно е лидер на табелата во Ла Лига, но каталонците вечерва ќе имаат тежок предизвик да се задржат на врвот, ако се знае дека за противник го имаат незгодниот Атлетико Мадрид.
Тренерот Флик се соочи со нов проблем откако во „пет до дванаесет“ остана без уште еден важен првотимец за овој дуел. Френки де Јонг нема да може да им помогне на соиграчите, холандскиот ас поради болест не тренираше вчера, а откако денеска состојбата не му се подобри каталонците објавија дека тој нема да биде во составот против Атлетико Мадрид.
Во „болницата“ на Барса се уште и Фермин Лопез, Гави и Араухо, а неизвесно е дали Флик ќе ги вклучи во стартниот тим Рафиња и Педри, кои подолго време беа повредени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
