Иако изгледаше дека Барселона и нивната долгогодишна ѕвезда Лионел Меси ќе се разделат спогодбено, работите може да се искомплицираат. Адвокатите на Барселона поднесоа официјална жалба до Европската комисија, сметајќи дека ПСЖ всушност не може да го ангажира Лионел Меси, бидејќи нивната финансиска состојба е полоша отколку на „Камп Ноу“.
Се разбира, парискиот клуб нема акумулирани долгови како Барселона, чиј вкупен долг надминува застрашувачки две милијарди евра. Барселона е блокирана да го потпише Меси со нов договор, бидејќи нивниот однос плата-приход не е во согласност со правилата во Ла Лига, иако Аргентинецот се согласи на педесет проценти помала плата. Сепак, Барса тврди дека ПСЖ е во уште полоша позиција во овој контекст, особено по доаѓањето на Џанлуиџи Донарума, Серхио Рамос, Ахраф Хакими и Георгини Вајналдум. За потсетување, овде припаѓа и огромната плата на Нејмар и Килијан Мбапе.
„Односот на платата и приходите на ПСЖ во однос на финансискиот фер -плеј е полош од оној на Барселона. Во сезоната 2019/20, односот на ПСЖ беше 99 проценти, додека на Барселона 54 проценти. Во меѓувреме, јазот дополнително се зголеми. Неприфатливо е на некои во европскиот фудбал да им биде дозволено да ги заобиколат правилата, додека други да бидат казнети за истото. Затоа, ФК Барселона испрати официјална жалба до Европската комисија и судот во Франција, со што се бара да биде блокиран трансферот на Лионел Меси во парискиот клуб“, стои во соопштението потпишано од адвокатот на Барселона, Хуан Бранко.
Меси доби понуда од ПСЖ вредна 25 милиони евра по сезона за двегодишен договор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
