Никој не успеал да надомести четири гола негатива, но досега. На Барселона тоа и успеа откако го совлада ПСЖ со 6-1 на „Камп Ноу“. Предноста од 4-0 што францускиот тим ја донесе од Париз сепак не беше доволна. Кавани постигна гол, но Барселона веруваше до крајот, а Серхи Роберто беше стрелец на шестиот, во петтата минута од судиското продолжение.
Барса и навивачите се надеваа. Луис Суарез во третата минута ја доведе Барселона во водство, а пред крајот на полувремето Курзава си постигна автогол, по акцијата на Иниеста од левата страна.
На самиот старт од вториот дел, Нејмар се избори за пенал што во гол го претвори Меси, но потоа следеше ’студен туш’ на „Камп Ноу“.
Во 62.минута, Единсон Кавани искористи невнимание во шеснаесетникот на Барселона, ја затресе мрежата и многумина веруваа дека каталонскиот тим нема да може да стигне до чудо.
All Goals & highlights HD – Barcelona 6-1 PSG… by LiveGoalsTV
Но…Барса е Барса. Во 88.минута, Нејмар постигна прекрасен гол од слободен удар, две минути подоцна погоди и од пенал за 5-1. Барса имаше пет минути судиско продолжение за чудо. И токму во петтата минута, кога и Тер Штеген тргна напред, Серхи Роберто постигна гол за делириум на „Камп Ноу“.
4-1 Neymar Goal 08.03.2017 HD by dailyfootballkick5-1 Neymar Penalty Goal 08.03.2017 HD by dailyfootballkick6-1 Sergi Roberto Goal 08.03.2017 HD by dailyfootballkick
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
