Каталонскиот гигант Барселона не се откажува од намерата да го доведе бразилскиот ас Фелипе Кутињо од Ливерпул во своите редови. Иако англискиот премиерлигаш неколку пати ја одби понудата на Барса во летниот преоден рок, раководството на овој клуб крои нов план како да го ангажира офанзивниот играч за врска.
Барселона е подготвена да го понуди португалскиот интернационалец Андре Гомеш и да доплати одредена сума за да го купи Кутињо. Каталонците изминатото лето беа одбиени и за сума од 120 милиони евра, а Бразилецот остана на „Енфилд роуд“.
Од Англија доаѓаат информации дека и Тотенхем е заинтересиран за Андре Гомеш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
