Беласица го декласира Кожуф со убедливи 6-0 и во голем стил обезбеди пласман во Првата фудбалска лига на Македонија. Клубот со голема традиција повторно ќе биде дел од елитата следната сезона по повеќе од една деценија откако и официјално е недостижен за конкурентите во Втората лига Исток.
Серијата голови на Беласица ја започна Пепи Горгиев кој стрелаше во третата и во 31.минута, а пред крајот на првиот дел погоди и Зоран Митевски.
Пепи Горгиев продолжи со одличната реализација и во второто полувреме, постигнувајќи уште два гола, во 56. и во 79.минута, а во листата на стрелците се запиша и Горан Здравков во 60.минута.
Плачковица ја совлада Победа Валандово со 7-2, а Саса беше подобра од Тиквеш и славеше со 1-0.
Утре, со почеток во 17 часот, во Штип ќе се игра дерби натпреварот меѓу Брегалница и Борец, кој е директна борба за второто место на табелата. Во моментот, Борец има еден бод предност пред Брегалница во трката за втората позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА