Бернардо Силва го напушта Манчестер Сити како слободен агент по девет години.
Иако се чинеше дека ќе се пресели во Барселона, ситуацијата се промени – Реал Мадрид се приклучи во трката за негов ангажман, наводно на барање на Жозе Мурињо, кој наскоро би можел да седне на клупата на „бланкосите“.
Шпанските медиуми пишуваат дека Мурињо лично го контактирал Силва, нагласувајќи дека го сака уште ова лето.
Португалецот сè уште ги разгледува сите опции, вклучувајќи ги Барселона и Атлетико, и нема да донесе конечна одлука пред Светското првенство.
Силва ја започна својата кариера во Бенфика, преку Монако пристигна во Манчестер Сити во 2017 година, каде што стана легенда и освои сè што можеше да се освои. Запиша 107 настапи и постигна 14 гола за португалската репрезентација.
Мурињо го гледа како клучен играч кој би ги заменил Белингам и Винисиус во нападот, додека Барселона би сметала на неговата креативност во средниот ред.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
