Сопственикот на актуелниот англиски шампион Лестер сити, Вичаи Сриваданапраба, вчера го прослави својот 58. роденден на дуелот со Сандерленд во свој стил. Тајландскиот милијардер ги почести навивачите со пиво и колачи, а фудбалерите на Лестер му подарија победа против тимот на Дејвид Мојс.
Вичаи Сриваданапраба е сопственик на Лестер од 2011 година, а ова не му е првпат да дели бесплатни пијалоци и храна за присутните на стадионот. На ваков начин тој ги придобива фановите и нивната доверба, а тие знаат дека клубот е во добри раце. Тој исто така придонесе и неговиот тим да ја освои лигата пред една сезона, прва титула во Премиер – лигата од нивното 133 годишно постоење.
По отказот на Раниери пред два месеци, Лестер под водство на Крег Шекспир забележа пет последователни победи. Доволна причина да се слави со пиво и колачи…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
