Норвешкиот стручњак Оле Гунар Солскјер најверојатно ќе го предводи Манчестер Јунајтед дури и по летото 2022 година, до кога тој е обврзан со договор со „црвените ѓаволи“. Челниците на клубот се задоволни од она што го прави норвешкиот стручњак и се подготвени да му понудат продолжување на соработката, без оглед дали освоил трофеј или не.
Актуелниот договор на Солскјер со Јунајтед е обврзувачки до летото 2022 година и не е познато колку пари челниците на клубот ќе му понудат да потпише нов повеќегодишен договор. Да потсетиме, Јунајтед под водство на норвешкиот стручњак во сезоната 2018/2019 го зазеде 6-то место на табелата, минатата година „црвените ѓаволи“ завршија на 3-то место, додека во моментов се на второто место во тимот на Премиерлигата.
Покрај Јунајтед, 48-годишниот стручњак во кариерата ги водеше и Молде и Кардиф Сити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
