Кошаркарите на Кожув ја остварија втората победа во БИБЛ – лигата, совладувајќи ја Сутјеска на домашен терен со убедливи 94-65. Избраниците на Игор Михајловски беа доминантни во текот на целиот меч и заслужено стигнаа до триумфот. Првата четвртина ја добија со шест поени разлика, а на полувремето веќе имаа двоцифрена разлика (53-35).
Во третиот период и дефинитивно го разбија противникот добивајќи го со 27-8, а на Сутјеска и остана барем малку да го намали убедливиот пораз до крајот на мечот.
Кенјон Мекнил со 24 поени беше најефикасен во таборот на Кожув, а Миливоје Мијовиќ уфрли 17 поени. Кај гостите, Ѓоко Шалиќ беше најпрецизен со 25 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
