Репрезентацијата на Ирска ги загуби шансите директно да обезбеди пласман на ЕП 2024, но би можела тоа да го направи низ плеј-офот од Лигата на нации.
А, за да ја добие таа шанса мора да помогне Холандија директно, преку квалификациската група, да се пласира на ЕП. Еден од начините за тоа е намерно да загуби од Холандија во ноемврискиот нивни меѓусебен дуел во групата. На Ирска ќе и одговора Холандија да се пласира директно на ЕП, а не Грција, како би се отворило за неа место во баражот од Лигата на нации.
УЕФА плеј-офот го замисли така што во него ќе учествуваат 12 селекции, по четири од А, Б и Ц Лигата на нации. А, правилото вели „ако помалку од четири тима од една од лигите влезе во плеј-офот, тогаш првото слободно место се доделува на најдоброрангираната екипа од Д Лигата на нации, а тоа е Естонија“.
Па, за да Ирска обезбеди плеј-оф во Лигата на нации, не смее да има повеќе од седум тима кои се пред нив на ранг листата на Лигата на нации, а меѓу нив е и Холандија. Затоа на Ирците им одговара да загубат од Холандија и да овозможат да завршат на второто место во Групата Б од квалификации и да обезбедат место на ЕП.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
