Прволигашката кошарка продолжува денеска со последниот предвиден натпревар од 16. коло за овој викенд на кој во Гевгелија ќе се сретнат Кожув и ТФТ од 17 часот и 30 минути.
Двата тима на денешната средба влегуваат рехабилитирани од поразите пред две кола, и на крилјата на убедливите победи над Гостивар, односно Црн Дрим во претходното коло, па ќе се потрудат да започнат нова победничка серија. Првиот натпревар помеѓу „црвено-белите“ и „црно-белите“ оваа сезона заврши со убедлива победа на ТФТ, па одбраната на домашниот терен ќе биде мотив повеќе за гевгеличани.
Моменталната ситуација на табелата (6-7) го става Кожув на границата на опасната зона помеѓу Суперлигата и местата кои водат во плеј-аутот па победата ќе биде императив за составот од Гевгелија. За разалика од нив, новајлијата е во поволна ситуација во горниот дел на табелата со скор од осум победи и три порази.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
