Италијанскиот првак Јувентус го доживеа првиот пораз во Серија А оваа сезона губејќи од Лацио во Рим со 3-1. „Старата дама“ поведе со голот на Кристијано Роналдо, но работите не одеа во посакуван правец по исклучувањето на Квадрадо. Лацио тоа го искористи и со два гола во финишот стигна до голем триумф.
Дефанзивецот Леонардо Бонучи вели дека самите се виновни за поразот бидејќи дозволиле ривалот да се размавне во вториот дел, но потенцира и дека некои судиски одлуки можеби и биле престроги во корист на Лацио.
„Самите сме виновни, моравме подобро да ги контролираме настаните на теренот. Откако беше исклучен Квадрадо, Лацио тргна многу поофанзивно, а претходно примивме и израмнувачки погодок во последните моменти од првиот дел. Ќе ги анализираме нашите грешки, но мора да се напомене дека и судиите имаа некој строг критериум кога е Јувентус во прашање“, изјави Бонучи.
Интер сега е на врвот на табелата во Серија А со 38 бода, а Јувентус има два бода помалку на втората позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
