Австралискиот ММА борец со македонско потекло Александар Волкановски оствари доминантна победа против Мовсар Евлоев со технички нокаут (TKO) во втората рунда, предводејќи го спектакуларниот настан УФЦ 333.
38-годишниот ветеран од Мелбурн уште од самиот почеток наметна силно темпо, контролирајќи го центарот на октагонот со прецизни директи. Иако 32-годишниот руски борец Евлоев успеа да реализира едно соборување во првата рунда, Волкановски експресно ја врати борбата на нозе и покажа врвна одбрана.
Kлучниот момент се случи во втората рунда кога Волкановски ја зголеми агресивноста. По серијата моќни десни крошеа кои сериозно го разнишаа Евлоев, Волкановски го собори противникот на земја во последната минута од рундата. По жестокиот напад на партер, судијата беше принуден да ја прекине борбата на само пет секунди пред крајот на рундата, означувајќи голема и убедлива победа за поранешниот шампион.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
