Леброн Џејмс сериозно размислувал за враќање во Кливленд Кавалирс, пред да одлучи да ја продолжи кариерата во Филаделфија. По осум сезони поминати во Лос Анџелес Лејкерс, ова лето немаше недостиг од шпекулации за следниот чекор во кариерата на Леброн.
Меѓу опциите беше и враќање во Кливленд, клубот каде што Џејмс го изгради поголемиот дел од своето наследство и освои историска титула во 2016 година.
Откако Филаделфија 76 го победија Кливленд со 114-106, иако претходно губеа со дури 29 поени разлика, Џејмс беше прашан за средбата со раководството на Кавалирс, која, според медиумските извештаи, се одржала на почетокот на јули.
„Нема многу да зборувам за содржината на средбата, но тоа дефинитивно беше една од опциите за кои размислував. Тоа беше тим што се обидуваше да се бори за титулата, а јас се обидував да одлучам каде сакам да го поминам остатокот од мојата кариера. Сериозно размислував за Кливленд“, изјави Џејмс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
