Автобусот на Борусија Дортмунд синоќа беше цел на бомбашки напад, при што е повреден Марк Бартра, а мечот со Монако од Лигата на шампионите беше одложен за денеска, со почеток во 18.45 часот. Очигледно е дека се работи за терористички чин, но германскиот бундеслигаш продолжува со своите активности и за денешниот дуел фудбалерите ќе имаат нов клупски автобус.
„Го скршивте автобусот? – Имаме нов“, порачаа од Борусија Дортмунд.
Фудбалерите синоќа спиеја во своите домови, но во 9 часот наутро пристигнаа во клупската база, а потоа со новиот клупски автобус ќе се упатат на стадионот „Сигнал Идуна парк“, на мечот против Монако кој ќе започне во 18.45 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
