Дури 11 натпревари се одиграа синоќа во НБА лигата од кои, без сомнение, за издвојување е извонредниот ефект на кошаркарот на Вашингтон, Бредли Бил.
Бил постигна дури 60 поени, но Вашингтон загуби од Филаделфија со 141-136. За овој ефект на Бил му требаа 35 топки од кои погоди 20, но тоа беше недоволно против тимот кој го водеа Џоел Ембид со 38 поени и Сет Кари со 28 поени.
Големо изненадување на почетокот од сезоната е екипата на Њујорк никс. До петтата победа дојдоа против Јута со 112-100. Џулиус Рендл беше фантастичен со 30 поени и 16 скока, а го следеа Риверс со 23 поени и Пејтон со 22 поени.
Во дербито на вечерта Бостон како гостин славеше против Мајами со 107-105, со 27 поени на Џејсон Татум. Кај домашните се издвои Џими Батлер со 26 постигнати поени.
Индијана славеше против Хјустон со 114-107, Орландо го победи Кливленд со 105-94, а Милвоки беше подобар од Детроит со 130-115. Во неизвесен меч Оклахома на гостински терен славеше со 110-111 против Њу Орлеанс, Сакраменто го победи Чикаго а ЛА Клиперс трифираа на гостувањето против Голден стејт со 101-108.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА