Хрватскиот репрезентативец Марцело Брозовиќ остана без возачка дозвола бидејќи е фатен како вози во пијана состојба, пренесуваат италијанските медиуми.
Членот на Интер со својот Ролс-Ројс возел со голема брзина, а полицијата го стопирала бидејќи поминал на црвено. Потоа му бил направен и алкотест, по кој е утврдено дека има недозволена количина на алкохол во организмот.
Исто така се наведува дека Хрватот се враќал од делот во Милано кој е познат по лудиот ноќен живот. Се уште не е познато дали Брозовиќ ќе биде во составот на Антонио Конте во понеделник на мечот кој „нерозѕурите“ ќе го пречекаат Торино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА