Легендарниот македонски фудбалски стратег, Ѓоко Хаџиевски, испиша нова златна страница во својата кариера, обезбедувајќи сензационален опстанок за тимот на Спартак Варна во бугарската елита. Овој голем спортски успех предизвика вистинска еуфорија меѓу навивачите и раководството на клубот, кои во македонскиот тренер видоа вистински спасител.
Дека спортот ги урива сите политички бариери доказ е и потегот на навивачите на Спартак, кои сплотени околу успехот испратија моќна порака во пресрет на актуелните политички тензии меѓу Скопје и Софија. Со транспарентот „Не ви го бараме идентитетот, но Ѓоко е еден од нас“, фановите јавно му оддадоа признание на нашиот стратег.
Кулминацијата на славјето се случи на официјалната прослава на клубот, каде во чест на Хаџиевски ечеа познати македонски рефрени. Највпечатлив момент за јавноста беше емотивната изведба на безвременската „Македонско девојче“, која без никакви предрасуди се пееше среде Варна, докажувајќи дека почитта кон македонскиот стручњак е над секоја дневна политика.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
