Легендарниот Серхио Бускетс на свои 37 години објави дека ќе ја заврши фудбалската кариера на крајот од сезоната, па Интер Мајами ќе биде неговиот последен клуб во кариерата.
Тој и неговиот клуб веќе се квалификуваа за плејофот во МЛС, а тој реши да им ја соопшти својата одлука на сите преку емотивно видео.
„Ова се моите последни месеци на теренот. Чувствувам дека дојде време да се збогувам како професионален фудбалер. Речиси 20 години уживав во сè, а најмногу во приказната за која отсекогаш сонував“, рече Бускетс, кој е еден од најдобрите играчи од средниот ред во историјата на фудбалот. меѓу другото.
Секако, тој им се заблагодари на многу луѓе, но особено на Барселона, клубот на неговиот живот.
„Благодарам на Барселона, клубот на мојот живот. Таму ги остварив моите соништа што ги имав како дете. Го носев дресот што го сакав во стотици натпревари. Славев титули, доживеав посебни моменти на Камп Ноу кои никогаш нема да ги заборавам“, рече Бускетс.
Со овој тим, тој освои дури девет титули во шпанското првенство, три титули во Лигата на шампионите, седум титули во Купот на кралевите, три Светски клупски првенства, три Европски Суперкупа и седум шпански Суперкупа.
Им се заблагодари и на луѓето во шпанската репрезентација, за која одигра 142 натпревари.
„Благодарам на шпанската репрезентација. Беше чест да играм толку многу пати и да уживам во успесите што секогаш ќе ми бидат во срцето.“
My favorite player – Sergio Busquets just announced that he’s retiring from football and I have tears in my eyes.
This one cuts deep. Thank God I have Pedri, but football will never be the same for me without Busquets.
There’s never been a better player than him in that role.… pic.twitter.com/1mD8KVwkDQ
— Teeji (@_namedNameless) September 26, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
