Актуелната сезона на Реал Мадрид ќе се памети како лоша, клубот не освои ниту еден трофеј, а медиумите беа преполни со вести за конфликти меѓу играчите.
Најмногу се зборуваше за тепачката меѓу Аурелиен Чуамени и Федерико Валверде, по што Уругваецот заврши во болница.
Шпанските медиуми истакнаа дека Французинот претерал, а клубот ги санкционираше двајцата играчи со по 500.000 евра, што е најголемата казна во историјата на славниот клуб.
Сè се случи на почетокот на мај, а сега Чуамени ја коментираше ситуацијата за време на подготовките со француската репрезентација.
„Очигледно, се случија некои работи. Тоа можеше да се прочита во медиумите“, започна Французинот.
Французинот нагласи дека тој и Валверде се во добри односи.
„Сето тоа беше преувеличено откако се појави во вестите. Предизвикува голема реакција, особено кога се пишува за играчи на Реал. Многу глупости беа напишани во медиумите. Прочитав дека сум го удрил, но тоа не беше случај. Не сакам да навлегувам во детали, важно ми е клубот да знае што се случило“, заврши Чуамени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
