Ракометарите на Вардар 1961 ќе бркаат негатива од десет гола во Скопје на реваншот од четвртфинален натпревар во Европската лига, по поразот на гостувањето од Монпелје со 33-23.
Јасно е дека само чудо може да ги однесе „црвено-црните“ до полуфиналето, за што е свесен и тренерот Иван Чупиќ кој вели дека резултатот, на крај, е логичен ако се знаат и проблеми составот и настапот без двајца клучни играчи како Малус и Хориха.
„Може да кажам дека во првото полувреме игравме дисциплинирано и цврсто во одбраната, се обидовме да ја запреме нивната транзициска игра одржувајќи го посакуваниот ритам. Со оглед на проблемите со составот и недостатокот на некои ракометари, игравме ‘седум на шест’ за да можеме да го насочиме резултатот во наша корист. Но, направивме серија грешки на стартот од второто полувреме, и потоа беше навистина тешко. На крај, после тоа што се случуваше во вториот дел, резултатот е логичен“ – вели Чупиќ.
Реваншот е закажан за 5 мај во СЦ „Јане Сандански“ во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
