Македонскиот репрезентативец Дарко Чурлинов се раздели со турскиот суперлигаш, Кочаелиспор, кој официјално информираше дека нема да ја продолжи соработката со дури десет фудбалери.
Меѓу имињата кои го напуштаат клубот е и она на Чурлинов кој заминува по само една полусезона и 12 настапи за турскиот клуб.
Според последните информации, прва интенција на Дарко Чурлинов е враќање во германскиот фудбал каде претходно настапуваше за Шалке 04, Штутгарт и Келн. Има можност за ново враќање во Шалке 04 каде мина одлична сезона.
Претходно, во својата кариера, настапуваше и за англиски Барнли како и за полска Јагелонија.
