Насер Ал Атијах на Тојота стигна до третата победа по ред на релито Дакар. На 4. етапа со должина од 813 километри која се возеше од Вади Ад-Давасир до Ријад, Катарецот ја помина за време од 2:35:59 што беше за само 11 секунди подобро од второпласираниот Стефан Петерхансел на Мини. Третото место му припадна на Хенк Латеган на Тојота кој доцнеше 1:30 минута зад времето на победникот.
Во генералниот пласман Петерхансел го задржа водството со 4:58 минути пред Ал Атијах и огромни 36 минути пред Карлос Сајнц. Утре на програмата е петтата етапа во должина од 662 километри која ќе се вози од Ријад до Ал Касимух.
Кај мотоциклистите триумфираше Жоан Бареда Борт, пред Даниел Сандерс и Лучијано Бенаведес. Во генералниот пласман Ксавиер де Солтре го презема водството пред Жоан Бареда Борт, додека третопласиран е Рос Бранч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
