Баерн Минхен со фуриозно второ полувреме го совлада Фрајбург со 1-4, но баварскиот гигант многу лесно може да остане без бодовите од овој меч откако беше обелоденето дека краток дел од мечот настапил со 12 фудбалери на теренот.
Контроверзна е замената Сабицер за Коман, при што францускиот крилен офанзивец не забележал дека е заменет, па останал на теренот.
Играта продолжи, па откако ВАР-арбитрите ја посочија грешка следеше прекин од шест минути, Коман го напушти теренот, а мечот продолжи со „мртва топка“.
Тренерот Нагелсман вината ја посочи кон четвртиот судија, кој при замената покажал број 29, каков што Баерн нема во својот ростер, па Коман воопшто не знаел дека тој е играчот што треба да излезе.
Останува да се види реакцијата на официјалните лица, за очекување е Фрајбург да поднесе жалба, па потоа ќе се види каква санкција ќе му биде искажана на актуелниот првак на Германија.
A bizarre situation in the Freiburg – Bayern Munich game. Halted for a good six minutes after it appeared that Bayern had 12 players on the pitch at one point & after all that, play resumed with a drop ball.
— Get German Football News (@GGFN_) April 2, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
