Навивачите на Панатинаикос, клубот со најголем буџет во неодамна завршената сезона во Евролигата, се многу незадоволни. Не само што тимот на Ергина Атаман не се пласираше во завршната четворка, туку мораа да го гледаат својот најголем ривал како ја освојува титулата континентален шампион во нивната сала.
Поради сето ова, јасно е дека позицијата на турскиот стручњак во ПАО е доста загрозена. Секако, европските медиуми веќе шпекулираат за потенцијален наследник, а еден кандидат очекувано добива голем публицитет.
„Во овој момент, веќе не е тајна дека Желимир Обрадовиќ е контактиран да го преземе Панатинаикос во новата ера на клубот. Сепак, Жељко Обрадовиќ се уште се двоуми дали да ја прифати работата“, објавува италијанскиот „Backdoor Podcast“.
Според овој медиум, српскиот стручњак не е сигурен дека сака да ја преземе одговорноста за нов проект чија цел е да го врати клубот на врвот на европската кошарка.
„Неговите ставови за многу прашања се во спротивност со темпераментот на сопственикот, иако нивните односи се подобрија во споредба со претходниот период. Јанакопулос му нуди целосна контрола и слобода на дејствување во се, вклучително и во тренерскиот персонал и целата политика, но Желимир се уште се двоуми“, се наведува во текстот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
