МЗТ Скопје има максимални 3-0 по првите три кола од АБА2-лигата, а најдобар доказ за извонредниот старт на сезоната на „металците“ е фактот дека МВП-кошаркарот и во третата рунда доаѓа токму од редовите на македонскиот првак.
Репрезентативец Дамјан Стојановски е најкорисен кошаркар во третото коло, по одличното издание на капитенот на МЗТ на дуелот со Рогашка. Стојановски го заврши мечот со 18 поени, девет скокови, пет украдени топки и две асистенции, за вкупно 29 индексни поени за 33 минути на теренот.
Претходно, Нуни Омот беше МВП на првото коло во АБА2 лигата, а најкорисен играч на втората рунда беше Американецот на МЗТ Скопје, Џабари Хиндс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
