Дамјан Стојановски останува во МЗТ Скопје

Дамјан Стојановски и во следната сезона ќе биде предводник на МЗТ Скопје. Тој минатото лето потпиша двогодишен договор со „металците“, па и во новата сезона ќе биде прв играч на „сино-белите“ од Аеродром.

Македонскиот репрезентативец е дел од „сино-белите“ уште од 2012 година, освојувајќи пет шампионски титули и шест пехари во Купот на Македонија, со напомена дека не беше дел од клубот само во сезоната 2016/17, која ја пропушти во целост поради тешката повреда претрпена во дресот на македонската репрезентација. Стојановски беше најкорисен играч на финалето од плејофот минатата сезона, признание кое го освои и двапати претходно (2014 и 2016 година).

Капитенот на МЗТ Скопје Аеродром минатата сезона во АБА2-лигата на 27 средби имаше просек од 8,9 поени и 3,4 скока како втор најдобар тројкаш (45/117) и најдобар изведувач на слободни фрлања (36/41) додека во домашното првенство на 34 натпревари просечно реализираше по 12,5 поени и 5,4 скока со најмногу постигнати тројки (64) и како втор најдобар во тимот според бројот на украдени топки (1,5 по меч).

Се вчитува...