Поранешниот македонски репрезентативец Даниел Мојсов, сосема очекувано, не можеше да го сокрие воодушевувањето од освоениот пехар во Купот на Македонија, прв во историјата на Тиквеш.
Мојсов, без сомнение, е еден од најзаслужните за успесите на кавадарчани оваа сезона, максимално издвојувајќи дека сето ова е заслуга и на целиот град и сите поддржувачи на клубот.
„Благодарам на оваа прекрасна публика која дојде да не бодри и ни даде крилја да дојдеме до овој трофеј. Погледнете ја оваа бројност на арената која доволно кажува колку со емоции и силна желба го посакувавме и очекувавме овој пехар. Радувај се граду мој, го заслужи ова“ – истакна по мечот Мојсов притоа дополнувајќи:
„Максимално ги исполнивме сите задачи кои ни ги зададе мојот брат и шеф на стручен штаб Ѓорѓи Мојсов. Доминиравме низ целиот натпревар и го заслуживме овој историски трофеј. Можеше и многу порано поубедливо да го решиме мечот, но секако вака е најслатко“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
