Освојувачот на Купот на Македонија, Силекс го засили дефанзивниот ред со Дарко Илиески, кој во Кратово стигна од ГФК Охрид.
30-годишниот Дарко Илиески настапува на позицијата централен дефанзивец. Во својата кариера има настапувано за повеќе клубови од домашното првенство, а зад себе има и интернационално искуство во Ерменија, Словенија, Таџикистан и Албанија.
„Станува збор за искусен и сигурен стопер кој со своите лидерски квалитети, цврста игра во одбраната и богато прволигашко искуство ќе претставува големо засилување за тимот во пресрет на новата сезона и настапите на домашната и европската сцена“, стои во соопштението на Силекс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
