Дејан Недев одржа семинар за бугарската репрезентација во Софија (ФОТО)

Еден од најдобрите македонски каратисти, Дејан Недев, 7. Дан, одржа еднодневен карате семинар во Софија, Бугарија.

Семинарот беше организиран исклучиво за членовите на бугарската репрезентација, кои од 3 до 5 јули ќе настапат на ЕТКФ Европскиот шампионат што ќе се одржи во Софија.

Обуката беше наменета за натпреварувачи, тренери и судии, при што беа објаснети основните принципи и натпреварувачките дисциплини на традиционалното карате. Сите присутни изразија големо задоволство од предавањата и стручниот пристап на Дејан Недев.

Организатор на семинарот беше Тони Петров од БФТК. Во иднина, оваа успешна соработка ќе продолжи со цел понатамошно унапредување на нивото на знаење и развојот на традиционалното карате.

Се вчитува...