Ден на одлука – мегданот со Украинците: За останување или ‘крај’ на ЕВРО 2020!

ЕКИПА во Букурешт,

Владимир Булатовиќ, Никола Станикевски, Роберт Спасовски (ФОТО)

Македонската репрезентација го игра денеска од 15 часот на националната арена во Букурешт клучниот натпревар за остварување на амбициите – пласман во вториот круг на Европското првенство 2020.

Мегданот со Украинците е мегдан за одлука за Игор Ангеловски и неговите избраници доколку сакаат до целите кои сами си ги зацртаа тогаш неизбежно ќе мора на победа против Украина.

„Оставен е зад нас натпреварот со Австрија извлекувајќи ги сите позитивни поуки. Сега не чека натпреварот со Украина кој е еден вид финале за нас на ова Европско првенство. Ние дојдовме на ЕВРО 2020 со цел да се пласираме во вториот круг, и таа наша цел останува. Не се откажуваме од тоа и секако се фокусираме. Натпреварот е важен за двете репрезентации, знаеме дека кој ќе победи оди во следниот круг, но не чувствуваме притисок туку напротив мотив за квалитетна игра и позитивен резултат. За Украина, пак, пораз на мечот ќе биде трагедија“ – истакна Ангеловски на официјалната прес-конференција

Сосема идентично е размислувањето на сите македонски репрезентативци. Знаат дека мора да се поправи впечатокот од првиот дуел на ЕВРО 2020, кој објективно поквалитетната селекција на Австрија заслужено дојде до триумфот, иако и со наша помош по грешките во последната четвртина од натпреварот.

Македонските фудбалери повторно ќе имаат бројна поддршка од трибините на националната арена каде, покрај десеттици фудбалски лица и работници кои се допатувани од Македонија, се очекува повторно присуство на повеќе од 3.000 македонски фанови.

Се вчитува...