Изминатата ноќ во НБА лигата се одиграа пет натпревари. Во трилер натпревар Денвер Нагетс славеше над Голден Стејт Вориорс нагости со 131-134. Денвер во текот на целиот меч имаше двоцифрена негатива, која успеа да ја анулира во последниот период и да стигне до конечен триумф. Никола Јокиќ беше прво име во победничкиот табор со учинок од 23 поени, 12 скока и 8 асистенции, додека Вил Бартон мечот го заврши со 31 поен. Кај поразените се истакна Алек Буркс со 25 поени.
Во дербито на истокот Милвоки Бакс беше подобар од Бостон со 128-123. Јанис Адетокумбо со 32 поени и 17 скока беше главниот виновник за новиот пораз на Селтикс. На Бостон недоволни им беа и 40 поени на Кемба Вокер.
Во останатите мечеви од понудата, ЛА Клиперс со 122-95 беа подобри од Орландо Меџик, Њујорк Никс загуби на домашен терен од Феникс Санс со 98-121, а Јута Џез ја прекина серијата од 10 порази со гостински пораз кај Њу Орлеанс Пеликанс од 138-132 по продолженија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА