Шкендија доаѓа во Скопје со 12 бода предност и со самодоверба дека на последните седум дербија не знае за пораз против Вардар. Можеби и трката за шампионската титула е веќе разрешена, но тоа не значи дека и на двете екипи ќе им недостига мотив во денешната дерби пресметка (16 часот) на стадионот „Борис Трајковски“ во Маџари. Вардарци го сакаат скалпот на шампионот, а Шкендија сака да потврди дека во моментот е најдобриот фудбалски состав во Македонија.
Вардар не знае за триумф веќе седум натпревари против тимот од Тетово. Загуби трипати на последните четири меча, а последниот триумф го памети од 14 октомври 2017 година.
Шкендија ќе биде без Костадин Захов на голот, неизвесен е и репрезентативниот стопер Егзон Бејтулаи, а капитенот Арменд Адеми се опорави од повредата и треба да биде во составот на Ќатип Османи.
Вардарци посакуваат триумф по речиси една и пол година, за да го задржат второто место на табелата, да ја спуштат бодовната негатива на едноцифрена разлика и да покажат дека шампионот е ранлив.
МЕЃУСЕБНИ НАТПРЕВАРИ
17.02.2019 ШКЕНДИЈА – ВАРДАР 1-0
21.10.2018 ВАРДАР – ШКЕНДИЈА 0-2
11.08.2018 ШКЕНДИЈА – ВАРДАР 2-2
18.04.2018 ВАРДАР – ШКЕНДИЈА 2-3
07.03.2018 ШКЕНДИЈА – ВАРДАР 4-0
21.02.2018 ВАРДАР – ШКЕНДИЈА 1-1
14.02.2018 ШКЕНДИЈА – ВАРДАР 1-1
14.10.2017 ВАРДАР – ШКЕНДИЈА 4-2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
