Џоел Ембид кој поради повреда пропушти девет натпревари за Филаделфија, се врати во тимот носејќи го дресот со бројот на Коби Брајант и постигна 24 поени за победа на неговиот тим над Голден Стејт од 115-104. За да го носи бројот 24 кој Филаделфија го повлече во чест на Боби Џонс, Џоел му се јавил на Џонс и му објаснил какво влијание имал Коби на него додека растел во Африка. Боби Џонс се разбира му дозволил да ја носи 24-та.
Филаделфија има речиси перфектен скор на одмашен терен од 22-2, вкупниот биланс и е 31-17 за петто место на Исток. Голден Стејт останува најслабиот тим во лигата со ефект од 10 победи и 38 порази.
Wearing No. 24 in honor of Kobe Bryant, Joel Embiid puts up 24 PTS for the @sixers and discusses the impact Kobe had on his life. pic.twitter.com/MudXPrCJM4
— NBA (@NBA) January 29, 2020
Поради смртта на Брајант, не се одигра дербито за Лос Анџелес меѓу „лејкерс“ и „клиперс“. Ова е само четвртиот одложен меч во НБА историјата. На останатите дуели, убедливи победи забележаа шампионот Торонто и лидерот на Источната конференција, Милвоки. Торонто ја победи Атланта со 130-114, а Мвоки славеше над Вашингтон во суперефикасен натпревар со 151-131. „Бакс“ беа без Јанис Адетокумбо, но го имаа Крис Мидлтон кој постигна рекордни во кариерата 51 поен. На Запад, порази за Далас и за Денвер. Мемфис славеше домашен триумф над Денвер со 104-96, а Феникс го декласираше Далас на негов терен со 104-133.
Khris Middleton scores a career-high 51 PTS as the @Bucks win their 9th consecutive game. pic.twitter.com/r7hKeKKExn
— NBA (@NBA) January 29, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА