Фудбалерите на Арсими славеа со минимални 1-0 против Башкими во премиерниот натпревар од 3. коло од новата сезона во Првата македонска фудбалска лига.
Во првата половина од првото полувреме двата тима беа внимателни и сето тоа не ни донесе поголеми шанси. Првата посериозна шанса на мечот имаа гостите откако при една контра Саити биеше кон голот на домаќинот, но неговиот удар заврши покрај голот на Сиљановски.
Најзрелата шанса во првиот дел ја имаа домаќините кога во 38. минута Велија од некои шеснаесеттина минута ја погоди пречката на Башкими. До крајот на првиот дел и двете екипи имаа уште по неколку полушанси, но на семафорот останаа почетните 0-0.
Во вториот дел клучно на крајот се покажа влегувањето на Колумбиецот, Контрерас во 77. минута. На одличниот фудбалер му беа потребни само пет минути за да се запише во листата на стрелците за голема победа на домаќинот од 1-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
