Ракометарите на Вардар ја одбранија титулата во Купот на Македонија откако во суперинтересен натпревар славеа над Еурофарм Пелистер со 23-22 во финалето од Ф4 турнирот кој се играше во салата „Јасмин“ во Кавадарци.
Крилото на вардарци, Тимур Дибиров вели дека одлично е ривалството на Вардар и Еурофарм Пелистер.
„Секој натпревар е посебна приказна. Знаевме дека ќе биде многу тешко, бидејќи секој меч има нешто посебно. Имаме едно ривалство со Еурофарм Пелистер и секој меч е непредвидлив. Среќата беше на наша страна на крајот од мечот. Тимот од Битола направил голема работа и им честитам. Горд сум на моите момци и стручниот штаб што извлековме нов тежок натпревар. На крајот важно дека победивме. Ривалството меѓу Вардар и Еурофарм Пелистер е одлично за македонскиот ракомет“, изјави Дибиров.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
