Британската сноубордерка Кети Ормерод дојде на ЗОИ во Пјонгчанг со амбиции да освои златен медал, но доживеа екстремно разочарување. Таа на тренинзите заработи двојна скршеница, и нема да се натпреварува за медалите.
„Максимално сум разочарана. Толку се радував дека ќе учествувам на Игрите во Пјонгчанг, но сето тоа сега е веќе недостижно. Ќе чекам нова шанса и ќе морам прво да закрепнам, па потоа и да работам напорно. Ќе има и други можности, уште отсега ќе размислувам за следните Олимписки Игри“, изјави Кети Ормерод.
Нејзината приказна во Пјонгчанг е навистина тажна. На првиот тренинг падна и заработи скршеница на зглобот на раката, се обиде повторно да тренира и во нов пад го скрши глуждот на ногата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
