Со 21 поен од вкупните 27 во второто полувреме, Лука Дончиќ беше лидер во триумфот на Далас во дерби пресметката на Западната конференција со Лос Анџелес Лејкерс со 114-100. По 10 последовни победи, ова е прекин на серијата на „лејкерс“ за кои ова беше само трет пораз сезонава и остануваат на лидерската позиција во конференцијата. Далас дојде до биланс 13-6, 7-2 на гостувањата и е четвртопалсиран на Запад.
Заостанувањето што го имаше на полувремето, Далас го надомести со серијата од 28-5 на почетокот на вториот дел. Воо вој период се разбуди и Дончиќ, па на крајот воопшто и немаше драма околу конечниот исход. Покрај Словенецот, Делон Рајс имаше одлично издание со 17 поени, а Порзингис, Џексон и Пауелл постигнаа по 15 поени. Кај „лејкерс“, Ентони Дејвис имаше 27 поени, а Леброн Џејмс 25.
За разлика од „лејкерс“, Торнто и Лос Анџелес Клиперс немаа проблеми да дојдат до уверливи победи. Торонто со 130-110 ја победи Јута, а „клиперс“ во суперефикасен натпревар со 150-125 славеа над Вашингтон. Паскал Сијакам со 35 поени беше лидер во тирумфот на актуелниот првак додека Каваи Ленард со 34 поени ги предводеше „клиперс“ до 15-та сезонска победа. Тимот од Лос Анџелес е третопласиран во Западната конференција. Торонто е на вторто место на Исток во вкупен биланс 15-4.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
