Кошаркарите на Дубаи ја победија Босна во Сараево со резултат од 92:64 и на доминантен начин го обезбедија првото место пред почетокот на плејофот од АБА лигата.
Гостите го наметнаа темпото уште од самиот почеток, а по првата четвртина беше јасно во кој правец оди натпреварот – Дубаи доби големо водство (28:12) и го одржуваше без поголеми проблеми до крајот на натпреварот.
Најзаслужни играчи за триумфот беа Џанан Муса со 15 поени и пет асистенции, додека Кенан Камењаш и Бруно Кабокло додадоа по 13 поени. Филип Петрушев исто така имаше забележителен настап со 11 поени и пет скока, додека Алекса Аврамовиќ запиша 10 поени и шест асистенции.
Така, Дубаи ја заврши фазата меѓу Топ 8 со резултат од 21-3 и го освои првото место во табелата, пред Партизан, кој има ист учинок, но послаб резултат во меѓусебните натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
