Лука Дончиќ настапува со болки во коленото, но тоа не го спречува со извонредни потези да докажува зошто е главен фаворит за признанието „дебитант на годината“ во НБА-лигата.
Младиот Словенец блесна во самиот финиш од натпреварот со Денвер, кога во последниот напад, при негатива од 98-97 ја презеде одговорноста… и тргна моќно кон противничкиот кош. Двајца кошаркари на Денвер се обидоа да го спречат, но не успеаја тоа бидејќи Дончиќ ја заокружи оваа соло-акција со атрактивно забивање.
За жал на Дончиќ, оваа мајсторија не беше доволна и за конечна победа бидејќи на спротивната страна Никола Јокиќ погоди со звукот на сирената за триумф на Денвер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА