Кошаркарките на Бадел 1862 претпеа пораз од Будуќност во женската конкуренција на АБА лигата откако во натпревар со две различни полувремиња загубија со 59-67.
Избраничките на Стамески одлично го започнаа натпреварот и веќе во првата четвртина стигнаа до двоцифрена предност (24-14) која беше задржана и на полувремето (44-33), но во вторите 20. минути не успеаја да ја пренесат добрата игра. Гостинките од Црна Гора возвратија со убедлива трета четвртина која ја добија со 6-21 за предност од 50-54 пред одлучувачката четвртина, а добриот моментум го префрлија и во неа за контрола на резултатот и мирен финиш.
Со по 18 поени предводнички на македонскиот тим беа Стојановска и Кметковска на кои првата додаде и 4 асистенции, додека втората мечот го заврши со 4 скока. Гостите ги предводеше Ѓорѓевиќ со дабл-дабл од 15 поени и 10 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
