Агенцијата за млади и спорт и Сојузот на спортови на Македонија на свечена церемонија ги избраа најдобрите за 2022 година. Наградата за најдобар спортист на Македонија му припадна на Владимир Егоров во борење.
Во женска конкуренција наградата за најдобра спортистка ја доби Оливера Наковска Бикова која ги освои титулите и на европското и на светското првенство во пара стрелаштво.
Во националните тимови за најдобри беа избрани сениорските ракометни репрезентации. Најуспешен тренер селектор е Дејан Митровски, додека за најуспешна национална федерација признанието го доби Ракометната федерација на Македонија.
За најдобри млади спортисти беа избрани Петар Арсовски бокс и Јадранка Темелкова кик-бокс. За подвиг на годината награди добија младиот пливач Марко Пејчиновски, како и Харис Беќири кој успее да го направи подвигот еверестинг. Почесни статуетки како великани на македонскиот спорт добија и Кирил Лазаров и Горан Пандев.
За најуспешна спортска екипа во универзитетска конкуренција беше избран карате тимот на универзитетот „Кирил и Методиј“. Најуспешен училишен спортски клуб во основните училиште е ОУ „Васил Главинов“ од Велес, додека од средните училишта „Нико Нестор“ од Струга.
ПРИЗНАНИЈА ЗА НАЈДОБРИТЕ СПОРТИСТИ ЗА 2022 ГОДИНА:
НАЈДОБАР СПОРТИСТ: Владимир Егоров
НАЈДОБРА СПОРТИСТКА: Оливера Наковска Бикова.
ВЕЛИКАНИ НА МАКЕДОНСКИОТ СПОРТ: Кирил Лазаров/Горан Пандев
НАЈУСПЕШНА НАЦИОНАЛНА СПОРТСКА ФЕДЕРАЦИЈА: Ракометна федерација на Македонија
НАЈУСПЕШЕН ТРЕНЕР/СЕЛЕКТОР: Дејан Митровски – Урко
НАЈДОБАР МАШКИ НАЦИОНАЛЕН ТИМ: Сениорски ракометен национален тим
НАЈДОБАР ЖЕНСКИ НАЦИОНАЛЕН ТИМ: Сениорски ракометен национален тим
НАЈДОБАР МЛАД СПОРТИСТ: Петар Арсовски (бокс)
НАЈДОБРА МЛАДА СПОРТИСТКА: Јадранка Темелкова (кик-бокс)
ПОДВИГ НА ГОДИНАТА: Марко Пејчиновски (пливање)/Харис Беќири (еверестинг)
НАЈУСПЕШНА СПОРТСКА ЕКИПА ВО УНИВЕРЗИТЕТСКА КОНКУРЕНЦИЈА: Карате тим на универзитетот „Кирил и Методиј“
НАЈУСПЕШЕН УЧИЛИШЕН СПОРТСКИ КЛУБ ОД ОСНОВНИТЕ УЧИЛИШТА: ОУ „Васил Главинов“ – Велес
НАЈУСПЕШЕН УЧИЛИШЕН СПОРТСКИ КЛУБ ОД СРЕДНИТЕ УЧИЛИШТА: СОУ „Нико Нестор“ Струга
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
