Елиф Елмас се приклучи на тренинзите на Наполи, ставајќи се на располагање на новиот тренер Лучијано Спалети во подготовките за новата натпеварувачка сезона.
„Дијамантот“ стартуваше неколку дена подоцна од останатите, со дозвола од клубот поради учеството на ЕВРО 2020, но од денеска се приклучи на соиграчите кои работат напорно под будното око на новиот стручен штаб.
Добро познато е дека Елмас не беше најомилен кај стариот тренер Џенаро Гатузо, кој му даваше шанса само во вторите полувремиња од натпреварите, па останува Елиф да се наметне кај Спалети, за да добие позначајна улога во тимот на Наполи за наредната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
