Менаџерот на Арсенал, Унаи Емери вели дека клубот е под финансиски притисок и дека нема да троши сериозни финансиски средства за засилување во овој преоден рок.
Емери нагласува дека „топчиите“ ќе доведуваат фудбалери само на позајмица. Една од можните мети е фудбалерот на Барселона, Денис Суарез.
„Кога станува збор за Суарез мислам дека проблем е што Барселона побрзо би го продала отколку испратила на позајмица. А, ние не можеме да потпишуваме договори на подолго време. Моментално можеме само да позајмуваме од другите. Не знам каква е ситуацијата со Суарез во клубот, но ние ќе се фокусираме на фудбалери кои навистина ќе можат да ни помогнат“ – вели Емери.
Арсенал во моментов е на 5. место во Премиер лигата зад Ливерпул, Манчестер сити, Тотенхем и Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
