Кристијан Ериксен повторно игра фудбал. Данскиот интернационалец го одигра првиот официјален натпревар по колабирањето на Европското првенство.
Ериксен влезе во игра во 52. минута на натпреварот помеѓу Брентфорд и Њукасл, а беше поздравен со стоечки овации од сите навивачи на трибините. Данецот е на теренот по 259 дена откако доживеа срцев удар.
„Ако го исклучиме резултатот, јас сум среќен човек. Со оглед на сето она низ кое поминав, ова е фантастично чувство. Брентфорд добро се грижи за мене. Тука се сите, моето семејство, родителите, децата, но и неколку доктори кои работат со мене. Она што го поминаа е уште потешко од она што јас го доживеав“, изјави Ериксен.
Брентфорд веќе во 11. минута остана со десет играчи на теренот, бидејќи Дасилва доби црвен картон. На крајот загуби со 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
