Тенисерката број еден во светот, Ешли Барти реши да не оди на одбрана на титулата на Ролан Гарос поради коронавирусот. 24-годишната Австралијка смета дека здравствените ризици, но и неможноста да тренира доволно добро поради рестрикциите во нејзината држава ќе мора да го прескокне францускиот грен-слем. Барти не учествува ниту на УС Опен. Барти која е од Бризбејн објаснува дека поради рестрикциите кои ги наметна австралиската влада не можела да работи со нејзиниот тренер кој е од Мелбурн.
„Ова е година полна со предизвици за сите нас. Иако сум разочарана поради тениската неактивност, доброто здравје на моето семејство и на мојот тим се секогаш мој приоритет. Ролан Гарос беше посебен за мене минатата година. Многу тешко ја донесеов оваа одлука“ – вели Барти.
Ролан Гарос треба да се одржи во Париз на крајот од овој месец. Ќе биде со органичен број гледачи и под строги здравствени протоколи. Серена Вилијамс се очекува да објави дали ќе биде дел од францускиот грен-слем. Франција како и многу други европски земји периодов се соочува со зголемување на бројот на заразени со коронавирусот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА