Вчерашниот ден донесе нова бура во Интер, откако Лучијано Спалети објави дека нема да смета на услугите на Мауро Икарди за дербито со Лацио. Икарди изминатиот период тренираше со тимот и се очекуваше дека ќе биде сигурен стартер, особено откако Лаутаро Мартинез отпадна од комбинација поради повреда.
Сепак, Спалети објави дека „по се што се случи неодамна, вклучувајќи ги и вчерашните случувања, сметам дека Икарди се уште не е подготвен да им помогне на соиграчите“.
Веднаш почна потрагата по одговорот на прашањето „Што се случило во текот на тренингот во петокот“, а весникот „Кориере дела сера“ тврди дека го има одговорот.
Имено, тоа бил првиот тренинг на кој Интер бил комплетен по враќањето на интернационалците, а Спалети очекувал јавно извинување од Икарди до сите соиграчи поради неговиот однос во иминатиот период. Тој го прашал екс-капитенот дали има нешто да каже, по што Аргентинецот му вратил дека се е веќе кажано, оставајќи го тренерот бесен и дополнително поткопувајќи го неговиот авторитет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
