Барселона и Белград се дестинациите кои ги избраа како омилени за гостување капитените на евролигашките клубови во анкета спроведена од Евролигата. Капитените на 18-те екипи најмногу ја преферираат Барселона како противник кај кој сакаат да гостуваат. Каталонскиот клуб доби 27,78 проценти од гласовите. На второто место е Црвена Звезда, 16,67 проценти од гласовите одат кај тимот од Белград.
Анкетата има и уште неколку прашања, а на нив, капитените одговориле дека најголеми очекувања од новајлиите имаат од играчот на Панатинаикос, Џимер Фредет, најголем предизвик како противник е плејот на Реал Мадрид, Факундо Кампацо, а според гласовите, најпотценет играч во Евролигата е Кори Хигинс.
Предводникот на Жалгирис, Шарунас Јасикевичиус, е омилен избор за тренер против кој сакаат да играат, зад него се Еторе Месина, Жељко Обрадовиќ и Пабло Ласо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
