Евролигата го санкционираше претседателот на Панатинаикос, Димитрис Јанакопулос со парична казна од 100 илјади евра поради „објава на социјалните мрежи упатена кон службените лица со омаловажувачки коментари и нанесување на штета на другите клубови, поединци и севкупно на организацијата на Евролига“.
Казната доаѓа по големо незадоволство на претседателот на актуелниот шампион на Евролигата за судењето на четвртиот натпревар од плеј-оф серијата против Анадолу Ефес.
Ова не е прва казна за Јанакопулос поради исти причини. Тој претходно плати 15 илјади евра за објава на социјалните мрежи во март, како и 80 илјади евра во декември 2022 година.
„Мајсторката“ помеѓу Панатинаикос и Ефес во Атина е на програмата во вторник со почеток од 20 часот и 45 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
