Во првиот натпревар за 2019 година, лидерот на Западната конференција во НБА лигата, екипата на Денвер забележа триумф на домашен терен над Њујорк од 115-108, врза серија од три последовни победи и се зацврсти на водечката позиција на табелата. Српскиот центар, Никола Јокиќ дуелот го заврши со трипл-дабл, за 34 минути на паркетот, постигна 19 поени, а имаше и 15 асистенции и 14 скока. Забележа и три блокади. Ваква статистика немал ниту еден играч уште од Лери Бирд во 1987 година.
Nikola Jokic filled the box score on Tuesday, compiling 19 PTS, 14 REB, 15 AST, and 3 BLK. The last player to reach all of those levels in a game was Larry Bird, who did so twice (1982, 1987). pic.twitter.com/yjPX7SsBS3
— NBA.com/Stats (@nbastats) January 2, 2019
Во драматичен натпревар, Портланд по продолжение го совлада Сакраменто со 113-108. По регуларниот перод, Кингс имаа шанса за победа бидејќи водеа со 99-90 на четири минути пред крајот, но ја испуштија предноста, а Демијан Лилард со кош на 15,5 секунди пред крајот донесе продолжение. Во дополнителните минути Портланд беше подобар со 10-5 и ја оствари 22 сезонска победа.
Во триумфот на Портланд, неверојатни бројки има зад името на босанскиот центар Јусуф Нуркиќ. Тој постигна 24 поени, имаше и 23 скока, седум асистенции, пет украдени топки и уште пет блокади. Со овој биланс Нуркиќ стана првиот во НБА историјата со пополнети сите статистички категории, а со вклучени повеќе од 20 поени и скокови.
Кај Сакраменто, српскиот тандем Немања Бјелица – Богдан Богдановиќ имаше солидна вечер. Бјелица оствари дабл-дабл ефект со 14 поени и 16 скока, додека Богдановиќ постигна 19 поени.
? the TOP PLAYS from @bosnianbeast27‘s (24 PTS, 23 REB, 7 AST, 5 STL, 5 BLK) massive game for the @trailblazers in Sacramento! #RipCity pic.twitter.com/4zUqedskaP
— NBA (@NBA) January 2, 2019
Голема вечер имаше и Каваи Ленард кој во победата на Торонто над Јута од 112-116 постигна рекордни во кариерата 45 поени. За тимот од Канада ова беше 28 победа сезонава наспроти само 11-те порази. Со овој биланс е на втората позиција на Исток зад Милвоки.
? @kawhileonard erupts for a career-high 45 PTS (16-22 FGM) in the @Raptors home win! #WeTheNorth pic.twitter.com/hpkuyIPVLE
— NBA (@NBA) January 2, 2019
На двете преостанати средби, лидерот на Источната конференција, Милвоки славеше над Детроит со 121-98, а Филаделфија ги изненади „Клиперс“ триумфирајќи со 119-113 на гостувањето во Лос Анџелес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА